Sulmuesi i Juventusit, Francisco Conceicao, është larguar nga kampi i ekipit kombëtar të Portugalisë për shkak të një dëmtimi dhe tani rrezikon të humbasë Derbin e Italisë kundër Interit në Serie A.

Ekipi kombëtar i Portugalisë konfirmoi në një deklaratë se Conceicao u largua nga kampi stërvitor të hënën pasdite pasi raportoi “shqetësime muskulore”.

22-vjeçari do të kthehet në Torino për vlerësime të mëtejshme mjekësore përpara ndeshjes kundër Interit të shtunën në mbrëmje.

Conceicao luajti si titullar në të dyja ndeshjet e Juventusit në Serie A këtë sezon: fitoren 2-0 ndaj Parmës dhe fitoren 1-0 jashtë fushe kundër Genoas.

/GazetaBlic Sport