Në një intervistë me Corriere della Sera, mesfushori i ri i Napolit, Kevin De Bruyne, komentoi mbi fillimin e tij të shkëlqyer të sezonit me Napolin.

Ai foli për fitoren 2-0 kundër Sassuolos, si dhe për Conten dhe De Laurentiis.

“Fitorja është një fillim i mirë, por nuk ka kuptim tani të mendojmë për atë që do të ndodhë pas tre ose katër muajsh. E dimë që ky është një ekip i shkëlqyer i aftë të luftojë për titullin, por nuk jemi vetëm. Duam të përparojmë në Evropë dhe në Kupën e Italisë, por ruajtja e qëndrueshmërisë në tre gara nuk është e lehtë, veçanërisht pasi klubi tashmë fitoi Scudetton vitin e kaluar: përsëritja e kësaj arritjeje është më e vështirë”, tha fillimisht ai.

“Conte është ndryshe nga Guardiola, si në teknikë ashtu edhe në metodë. Conte di si të ndërtojë një ekip kompakt, si një njësi e vetme. Ai kërkon shumë nga grupi dhe nëse nuk punon për ekipin, je jashtë. Ai bën kërkesa shumë të qarta; sa më shumë të luash me të, aq më shumë e kupton se çfarë duhet për të qëndruar në një nivel të lartë. Këtu, të gjithë e dinë se duhet të punojnë shumë dhe të bëjnë punën e tyre, përndryshe dikush tjetër do të zërë vendin e tyre. Kjo rrit intensitetin dhe nivelin e përgjithshëm”, përfundoi ai.

Kujtojmë se De Bruyne realizoi gol në fitoren 2-0 ndaj Sassuolos.

/GazetaBlic Sport