Barcelona ka anuluar ndeshjen e tyre kundër Vissel Kobe në Japoni për shkak të një shkeljeje të kontratës.

Ekipi ishte planifikuar të udhëtonte për në Japoni nesër, por këto plane tani janë pezulluar.

Deklarata e Barcelonës tha:

“Barcelona njofton se është detyruar të pezullojë pjesëmarrjen e saj në ndeshjen e planifikuar për të dielën në Japoni për shkak të një shkeljeje serioze të kontratës nga organizatori.

“Megjithatë, Klubi do të shqyrtojë ripërshtatjen e pjesës së Koresë së Jugut të turneut veror, ku janë planifikuar dy ndeshje kundër FC Seoul (31 korrik) dhe Daegu FC (4 gusht), me kusht që të përmbushen kushte të caktuara nga organizatori.

“Nëse këto kushte plotësohen, Klubi do të udhëtojë për në Korenë e Jugut në ditët në vijim. FC Barcelona shpreh keqardhje për këtë incident dhe ndikimin që pati në komunitetin e madh të tifozëve të Barçës në Japoni.”

Kjo nuk do të thotë që i gjithë turneu i tyre në Azi është anuluar – ata do të vazhdojnë të luajnë ndeshje në vende të tjera, por jo në Japoni.

/GazetaBlic Sport