Florian Wirtz konsiderohet një transferim i sigurt për Liverpoolin. Merseysiders luftuan për nënshkrimin e tij me Bayern Munich dhe Manchester City.

Gjermani shihej nga “Qytetarët” si një zëvendësues i mundshëm për Kevin de Bruyne, i cili u largua nga skuadra e Pep Guardiolës si agjent i lirë.

Sipas Bild, Wirtz refuzoi një transferim te Manchester City për shkak të shqetësimeve rreth të ardhmes afatgjate të Guardiolës.

Më herët këtë sezon, katalanasi nënshkroi një kontratë të re që e lidhte të ardhmen e tij me ekipin anglez deri në vitin 2027, por që atëherë ka lënë të kuptohet se do të largohet kur të skadojë kjo kontratë.

Duke pasur parasysh këtë, Wirtz ka vendosur që dëshiron t’i bashkohet një ekipi me një strukturë më të qëndrueshme menaxhimi. Bild gjithashtu deklaron se lojtari reprezentues gjerman i dha dritën jeshile një transferimi te Liverpooli për shkak të atmosferës unike të krijuar nga tifozët dhe statusit të klubit.

/GazeaBlic Sport/