Trajneri i Real Madridit, Carlo Ancelotti, flet para vizitës ndaj Arsenalit në ndeshjen e parë të çerekfinales së Ligës së Kampionëve. Italiani tha se ndoshta shumë njerëz janë ngopur me të, por Florentino Perez nuk është ende.

“Po, ndoshta shumë njerëz janë lodhur nga unë që jam trajner i këtij ekipi, por personi (Florentino Perez) që ka rëndësi nuk është i lodhur me mua”, tha Carlo Ancelotti.

“Ne nuk mund të mendojmë për kritikat kur kemi një lojë çdo tre ditë, e kemi analizuar dhe tani është koha për t’u përgatitur mirë për këtë ndeshje. Këto janë 90 minuta shumë të rëndësishme që nuk janë vendimtare sepse ka ende 90 në Bernabeu”, vazhdoi ai.

“Kritika? Mendoj se do të përgatitem mirë për ndeshjen, kemi një kundërshtar që bën shumë gjëra mirë: presing, posedim. Ne duam të përgatitemi mirë me një qasje të qartë dhe ta ekzekutojmë mirë”, shtoi Ancelotti.

/GazetaBlic Sport