I është dhënë lamtumira e fundit, Bajram Qerkinit, kryetarit të Shoqatës “Zëri i Prindërve”.

Ceremonia e varrimit u mbajt në Shipol të Mitrovicës.

Baca Bajram, siç njihej ai, u shndërrua në simbol të familjeve të të pagjeturve.

Ai për disa dekada nuk u ndal së kërkuar rreth fatit të të pagjeturve dhe drejtësisë për familjet e tyre.

Vet ky e kishte në mesin e të zhdukurve, djalin e tij Reshatin.

Por, e la këtë botë duke mos ditur asgjë për fatin e të birit, dhimbje që e shoqëroi tërë jetën.

Bajram Qerkini, vdiq dje në moshën 86 vjeçare, pas një sëmundje të shkurtër.