Michael Ballack thotë se ka qenë i befasuar pozitivisht nga fillimi mbresëlënës i Arne Slot në Liverpool dhe e cilësoi skuadrën angleze si favorite për ta fituar Ligën e Kampionëve.
Duke folur për mediumin gjerman Sport Bild pas ndeshjeve të së martës, Ballack zgjodhi Liverpoolin si pretedent kryesor për ta fituar kompeticionin më të madh evropian.
“Duke gjykuar nga paraqitjet e tyre deri më tani, Real Madrid nuk është favoriti im kryesor”, tha ish-mesfushori i Bayern Munich, Chelsea dhe Gjermanisë.
“Ky do të ishte Liverpooli, i cili aktualisht po dominon Ligën e Kampionëve. Isha i befasuar pozitivisht nga mënyra sesi Arne Slot e menaxhoi tranzicionin pasi epoka e Jurgen Klopp mori fund. Mendoj që është favorit kryesor për ta fituar garën”, deklaroi ai.
/GazetaBlic Sport/
