Kryetari i Lipjanit, Imri Ahmeti, ka pritur sot kryetarin e LDK-së, njëherësh kandidatin e kësaj partie për kryeministër, Lumir Abdixhiku, raporton Gazeta Blic.

Përmes një postimi në Facebook, Ahmeti ka thënë se kanë vizituar nënkalimin dhe parkingun e ri të qytetit – një projekt i financuar tërësisht nga Komuna, që ka lehtësuar dukshëm trafikun dhe parkimin në qytet dhe e ka informuar Abdixhikun për këtë projekt.

“Gjithashtu, së bashku me kryetarin Abdixhiku, vizituam biznesin “LigaSteel,” një investim amerikan që ka krijuar rreth 200 vende pune”, ka shkruar ai.

Postimi i tij i plotë:

Gjatë ditës mirëpritëm kryetarin e LDK-së, Lumir Abdixhiku, me të cilin vizituam nënkalimin dhe parkingun e ri të qytetit – një projekt i financuar tërësisht nga Komuna, që ka lehtësuar dukshëm trafikun dhe parkimin në qytet.

E informova për këtë projekt dhe ndava planet tona për ndërtimin e një parku të ri dhe vazhdimin e sheshit në atë zonë.

Gjithashtu, së bashku me kryetarin Abdixhiku, vizituam biznesin “LigaSteel,” një investim amerikan që ka krijuar rreth 200 vende pune.

Ky biznes është dëshmi e potencialit për zhvillim ekonomik dhe përmirësim të mirëqenies në komunitetin tonë.