Mediat turke thonë se Muriqi është objektivi i Fenerbahces së Mourinhos, veçanërisht nëse shitet, Youssef En-Nesyri.

Vedat Muriqi është një figurë kyçe për Mallorca si brenda dhe jashtë fushës. Sulmuesi 30-vjeçar nga Kosova ka fituar dashurinë e tifozëve spanjoll dhe gjithçka duket se do të vazhdojë kështu të paktën deri në fund të sezonit.

Muriqi ka rikonfirmuar sot për AS se Mallorca nuk e lejon atë të largohet.

“Në Turqi më njohin mua, drejtorët e klubeve dhe trajnerët e dinë se çfarë kontribuoj në çdo ekip. Prandaj them se ka diçka të çuditshme për nënshkrimet e janarit apo verës, jo vetëm në Turqi, por në përgjithësi. Mallorca është e mbyllur për çdo ofertë për këtë çështje. Ata nuk duan të dëgjojnë asnjë, as me gojë e as me shkrim. Kjo ndodhi edhe tani. Prandaj nuk e shoh të mundur që të largohem deri në merkaton e verës tjetër, jam i lumtur”, është shprehur me siguri Muriqi.

Sulmuesi kosovar ka marrë pjesë në 15 ndeshje për Mallorca këtë sezon, duke shënuar 3 gola dhe duke dhënë 2 asistime.

/GazetaBlic Sport