Ish-ministri i Jashtëm i Kosovës, Enver Hoxhaj, ka publikuar sot një video përmbledhëse që rikujton një nga momentet historike të politikës së jashtme të Kosovës dhe Shqipërisë – hapjen e konsullatave të përbashkëta në Gjermani e Itali.

Në videon e publikuar, Hoxhaj nënvizon forcimin e unitetit diplomatik mes dy vendeve si shembull të bashkëpunimit të suksesshëm për avancimin e interesave kombëtare. Kjo nismë shënoi një hap të rëndësishëm në prezantimin e përbashkët të shqiptarëve në arenën ndërkombëtare.

“Në kohën kur Kosova 🇽🇰 dhe Shqipëria 🇦🇱forcuan unitetin diplomatik, hapja e konsullatave të përbashkëta ishte shembull i bashkëpunimit për të avancuar interesat tona kombëtare.”, ka shkruar Hoxhaj në rikujtimin e kësaj ngjarje.