Deputetja e Lëvizjes Vetëvendosje, Fitore Pacolli, ka bërë tashmë një reagim specifik mbi raportimet se është e përfshirë ne skandalet financiare si ndikuese për dhënie grantesh të familjareve të saj.

Ajo ka ndarë listat e publikuara nga ministri i Bujqësisë, Faton Peci, për të cilat thonë se figurojnë emrat e përfituesve të familjarëve të zyrtarëve të partive të pushteteve të kaluara tashmë në opozitë, transmeton klankosova.tv.

”Edhe këtyre ju kam ndihmuar ta fitojnë grantin”, shkruan ajo ndërsa ndan edhe një ikonë me syze, duke lë të kuptohet një mburrje mbi gjithë situatën e krijuar në të cilën përmendet edhe emri i saj.