Portieri i kombëtares rumune të futbollit, Florin Nita, ka thënë të mërkurën se dëshiron ta përfundojë grupin e Ligës së Kombeve me fitore në dy ndeshjet e fundit, të planifikuara në Arenën Kombëtare me Kosovën dhe Qipron, për të përfunduar në vendin e parë në renditjen e përgjithshme.
“Ne jemi të lidhur me këtë aksion sepse të gjithë duam të luajmë dy ndeshje të mira kundër Kosovës dhe Qipros, duam ta mbyllim grupin me dy fitore, ky është objektivi ynë.
Duhet përqendrim, përkushtim dhe vëmendje në detaje tekniko-taktike të përzgjedhësit për të përfunduar grupin në vend të parë. Jam i bindur që të gjithë djemtë do të japin 100% në fushë. Vetëm nëse mbetemi një familje e bashkuar mund të arrijmë rezultate” , tha Nita në një intervistë dhënë për FRF TV.
Ai u bëri thirrje tifozëve që në ndeshjen me Kosovën të mos shfaqin mesazhe politike për të mos rrezikuar ndërprerjen apo edhe humbjen e ndeshjes në “tavolinë”.
“Unë dua shumë që tifozët të jenë të ekuilibruar në këtë lojë, siç do të jemi ne. Të tregojmë karakter dhe të mos shfaqim lloj-lloj mesazhesh apo brohoritje kundër kundërshtarëve, sepse këtë presin ata. Ne duhet të jemi inteligjentë dhe ta fitojmë ndeshjen në fushë, jo në tribuna, sepse me siguri do të fitojmë në tribunë, por është më e rëndësishme të fitojmë në fushë”, tha portieri në fjalë.
/GazetaBlic Sport/
