Real Madridi mund të shkarkojë trajnerin Carlo Ancelotti brenda pak ditësh.

Sipas raportimeve në shtypin spanjoll, drejtuesit e klubit madrilen nuk do të donin të ndaheshin me specialistin 65-vjeçar në mes të sezonit, por Reali do të marrë masa të tilla nëse nuk përmirësohen rezultatet e skuadrës, transmeton GazetaBlic Sport.

Jo vetëm rezultatet në La Liga dhe Champions League, klubi është i shqetësuar edhe për situatën me Jude Bellingham, i cili luan në pozicione të ndryshme dhe nuk është aq i spikatur sa sezonin e kaluar.

Mediat spanjolle pretendojnë se çelësi për të ardhmen e Carlo Ancelottit do të jetë ndeshja e Real Madridit kundër Liverpool në Anfield në Ligën e Kampionëve, e cila është më 27 nëntor.

Pas 11 xhirove, Reali është në vendin e dytë në La Liga me 24 pikë. Në Champions League, skuadra është në pozitën e 18-të me 6 pikë nga katër ndeshje.

Nën drejtimin e tij, Mbretërit kanë fituar dy herë La Ligën, Kupën e Mbretit dhe Superkupën e Spanjës, si dhe tre herë Ligën e Kampionëve dhe Superkupën e UEFA-s.

/GazetaBlic Sport/