Albion Rrahmani nuk ishte në elementin e tij më të mirë në dy ndeshjet e tetorit me fanellën e Kosovës.

Si në takimin ndaj Lituanisë, ashtu edhe në ndeshjen ndaj Qipros, Rrahmani nuk e dëshmoi se ishte një zëvendësues adekuat për Vedat Muriqin, në qendër të sulmit, shkruan GazetaBlic Sport.

Statistikat e tij ishin shumë larg atyre që jemi mësuar t’i shohim tek klubet e tij, pavarësisht se dy kundërshtaret e këtij muaji të Kosovës nuk ishin edhe aq të nivelit të lartë.

Mbetet të shihet se cila do të jetë forma e tij në ndeshjet e nëntorit, pikërisht atëherë kur do të vendoset gjithçka për fatin e grupit.

/GazetaBlic Sport/