Real Madrid CF dhe Andriy Lunin kanë rënë dakord për të vazhduar kontratën me klubin deri më 30 qershor 2030.

Lunin mbërriti në Real Madrid në vitin 2018, në moshën 19-vjeçare dhe është pjesë e ekipit të parë që nga viti 2020, transmeton GazetaBlic Sport.

Në karrierën e tij duke mbrojtur fanellën e Real Madridit, ai ka fituar 10 tituj: 2 Champions League, 1 Kupën e Botës për Klube, 2 Superkupa Evropiane , 2 La Liga, 1 Copa del Rey dhe 2 Superkupa të Spanjës.

Lunin mbron ngjyrat e Ukrainës, skuadër me të cilën ka marrë pjesë në Kampionatin Euro 2024 në Gjermani dhe është kandidat për të fituar trofeun Yashin për portierin më të mirë të sezonit 2023-2024, në të cilin paraqitjet e tij ishin thelbësore për Real Madridin për të arritur tre titujt: Ligën e Kampionëve, La Ligën dhe Superkupën e Spanjës.

/GazetaBlic Sport/