Për herë të parë në karrierën e tij, Lionel Messi kaloi dy muaj radhazi pa luajtur futboll, për shkak të dëmtimit dhe ky numër mund të rritet pak, duke qenë se mund të humbasë ndeshjen e radhës, por për një arsye tjetër.

Argjentinasi pritej të rikthehej në fushë kundër Philadelphia Union, në raundin e 28-të të MLS, pasi humbi dy ndeshjet e Argjentinës gjatë kësaj pauze ndërkombëtare, por një infeksion në fyt madje mund ta shtyjë atë rikthim, transmeton GazetaBlic Sport.

Lojtari 37-vjeçar tashmë ishte rikthyer në stërvitje me Inter Miami, por nuk ishte i pranishëm në stërvitje këtë të mërkurë dhe për këtë arsye është sërish i dyshimtë.

/GazetaBlic Sport/