Ylli i ri i Spanjës dhe Barcelonës, Lamine Yamal, ka gjetur një vend në skuadrën përfundimtare të La Roja për Kampionatin Evropian në Gjermani, gjë që mund të çojë në më shumë rekorde me emrin e tij.

Yamal nuk është ende 17 vjeç dhe nëse ai paraqitet në ndeshjen hapëse të Spanjës në kampionatin kontinental, ai do të bëhet debutuesi më i ri i turneut me 16 vjeç e 338 ditë, transmeton GazetaBlic Sport.

Rekordi aktualisht mbahet nga Kasper Kozlowski i Polonisë, i cili u paraqit në një ndeshje në Euro 2020 në moshën 17 vjeç e 246 ditë. Jude Bellingham luajti për Anglinë në të njëjtin Europian në moshën 17 vjeç e 345 ditë.

Nëse arrin të shënojë kundër kroatëve, Yamal do të bëhet golashënuesi më i ri në finalet e Europës. Ky rekord i përkiste zviceranit Johan Vonlanten, i cili në vitin 2004 në Portugali shënoi një gol në moshën 18 vjeç e 141 ditë. Legjenda angleze Wayne Rooney u nënshkrua për “tre luanët” në kampionatin e Portugalisë në moshën 18 vjeç e 237 ditë.

/GazetaBlic Sport.