Ambasadori i Francës në Kosovë, Olivier Guerot, ka thënë se Kosova ende ka mundësi për anëtarësim në KiE, duke dërguar në Kushtetuese draft statutin e Asociacionit.
Lidhur me këtë, nga Lëvizja Vetëvendosje e shohin se qasje shantazhuese.
Kështu është shprehur deputeti i kësaj partie, Halil Thaçi, në një prononcim për GazetaBlic.
“Unë nuk mendoj se është shfaqje, nuk përkon me politikat e Bashkimit Evropian, kjo qasja e Ambasadorit francez është një qasje shantazhuese brenda institucionit”, deklaroi deputeti i VV-së, Halil Thaçi.
Ndërsa, deputeti i Listës Guxo, Burim Meta, në një prononcim për GazetaBlic, e cilëson si të panevojshëm dërgimin e draft statutit në Gjykatën Kushtetuese.
“Si Parti GUXO, mendojmë që është e panevojshme dërgimi në Gjykatën Kushtetuese, kompetente për të vlerësuar diçka që është në të mirën e Kosovës është ekzekutivi në këtë rast”, deklaroi ai.
Por, sipas tij, kjo çështje mund të harmonizohet edhe me zyrën e presidentes.
“Por, kjo çështje mund edhe të diskutohet nga akterët e lartë dhe të harmonizohet edhe me zyrën e Presidentes”, deklaroi deputeti Burim Meta.
Kujtojmë që ministri e jashtme Donika Gërvalla i kishte dërguar një letër Këshillit të Evropës, duke u zotuar që do ta dërgojnë draft statutin e Asociacionit në Kushtetuese deri në fund të muajit maj.
Por, duket se qeveria ishte vonë, pasi Kosova nuk arriti të futej në agjendë për anëtarësim në KiE./Gazeta Blic/
Agusholli: Kosova ka përmbushur shumicën e kërkesave, ‘presioni’ ndërkombëtar duhet të balancohet