Turqia po dërgon pajisje kërkimi dhe shpëtimi për të ndihmuar në gjetjen e presidentit dhe ministrit të Jashtëm iranian.

Agjencia e saj e fatkeqësive tha se mori një kërkesë për ndihmë nga Irani pas rrëzimit të helikopterit të Ebrahim Raisi më herët sot, raporton SkyNews.

Një helikopter kërkimi dhe shpëtimi me shikim të natës, 32 personel dhe gjashtë automjete janë dërguar për ndihmë.

15 shpëtimtarë të tjerë janë vënë në gatishmëri në rast se nevojiten.

Ekipet e kërkimit dhe shpëtimit janë duke luftuar kundër mjegullës dhe shiut të dendur ndërsa kërkojnë të mbijetuarit dhe helikopterin e rrëzuar.