Isco iu nënshtrua kontrolleve të para mjekësore pas kontraktimit të pulpës të pësuar në ndeshjen e fundit. Ish-lojtari i Real Madrid do të përjashtohet nga skuadra për ndeshjen ndaj Real Sociedad, me të cilin Real Betis do të garojë për shanset e pjesëmarrjes në edicionin e ardhshëm të Europa League.

“Është e vështirë”, u tha Isco gazetarëve që e prisnin jashtë qendrës mjekësore. Dhe nuk kishte nevojë të flitej më shumë, pasi fjalët e tij shoqëroheshin me një imazh të qartë, talenti spanjoll duke ecur me paterica.

Lëndimi i Isco vjen në momentin më të keq, si për Betis që luan për Europën të dielën, ashtu edhe për veten e tij, duke qenë se shanset për t’u thirrur në Europian ishin shumëfishuar.

Isco paraqitet në listën paraprake të Lus de la Fuente dhe performanca e tij e kishte vendosur atë në mesin e favoritëve për listën përfundimtare. Tani do të jetë shkalla e dëmtimit që do të tregojë nëse Isco do të mund të rikuperohet apo jo për të luajtur në qershor me Spanjën në Euro 2024.