Dy persona janë lënduar në një aksident trafiku në Prekaz të Skenderajt.

Këtë e ka konfirmuar zëdhënësi i policisë për rajonin e Mitrovicës, Avni Zahiti i cili tha se në aksident janë përfshirë dy vetura.

“Rreth orës 17:30, është raportuar për aksident trafiku i shkaktuar në fshatin Prekaz të Skenderajt. Në aksident janë përfshirë dy vetura. Përveq dëmeve materiale lëndime kanë pësuar dy persona”, thuhet tutje në konfirmim.