Ish-zëdhënsi i NATO-s gjatë fushatës ajrore kundër Serbisë në vitin 1999, Jamie Shea, ka folur për marrëveshjen e Ohrit, e cila sot bënë një vit që kur Kosova e Serbia u dakorduan.
Shea për GazetaBlic thotë se, Serbia do të duhej me atë dokument që të ndalonte përpjekjet për të bllokuar anëtarësimin e Kosovës në organizatat ndërkombëtare.
“Marrëveshja e Ohrit ishte një përparim i madh në atë kohë. Plani i saj prej 11 pikash ofronte një rrugë konkrete drejt normalizimit të marrëdhënieve ndërmjet Kosovës dhe Serbisë. Vlen të përmendet veçanërisht se Serbia do të njihte dokumentet dhe simbolet e Kosovës dhe do të ndalonte përpjekjet për të bllokuar anëtarësimin e Kosovës në organizatat ndërkombëtare”, tha Shea.
Shea shton se me këtë dokument, Serbia nuk do ta njihte zyrtarisht Kosovën, por do të ndalonte së frustruari synimet e Kosovës për të funksionuar si një vend normal në skenën globale.
“Me 18 mars 2023 në Ohër u dakordua marrëveshja mes Kosovës e Serbisë, me ndërmjetësim të Bashkimit Evropian.Me pak fjalë, Serbia nuk do ta njihte zyrtarisht Kosovën, por do të ndalonte së frustruari synimet e Kosovës për të funksionuar si një vend normal në skenën globale. Por Vuçiq refuzoi të nënshkruajë marrëveshjen, gjë që nuk është logjike nëse Beogradi pretendon ta pranojë atë”, tha Shea.
Shea thotë se fajtori kryesor që kjo marrëveshje s’ka gjetur zbatim është Serbia, pasi sipas tij, incidentet në veri të Kosovës kanë qenë një pretekst i mëtejshëm për të ngrirë marrëveshjen dhe për të penguar të gjithë progresin.
Tutje ai shton se, pas gjithë kësaj situate tash është një test tjetër: “Serbia mos ta bllokojë anëtarësimin e Kosovës në Këshillin e Evropës”.
“Një marrëveshje gjithashtu duhet të zbatohet, por Serbia deri më tani nuk ka lejuar takimin e grupit punues të zbatimit. Pra, marrëveshja në vend që të ndërtojë besimin të nevojshëm, përkundrazi ka minuar atë. Incidentet në veri të Kosovës kanë qenë një pretekst i mëtejshëm për të ngrirë marrëveshjen dhe për të penguar të gjithë progresin. Testi tani është se Serbia nuk e bllokon anëtarësimin e Kosovës në Këshillin e Evropës në Strasburg në përputhje me angazhimin e Beogradit për të mos penguar Kosovën që t’i bashkohet institucioneve ndërkombëtare. Ne do të shohim”, tha Shea.
“Por BE-ja dhe SHBA-ja tani duhet t’i nënshtrohen presionit si Beogradit ashtu edhe Prishtinës për të zbatuar marrëveshjen pasi pritja për veprime vullnetare me mirëbesim duket se nuk funksionon”, tha ai për GazetaBlic.
Paralajmëron Lekaj: Pritet kthim mbrapa edhe për çështjen e dinarit
Haliti: ShBA-të nuk na zhgënyjen edhe pse ne kemi dal shumë shpesh nga binarët!
