Futbollisti Edon Zhegrova, po kalon një formë fantastike tek ekipi francez, Lille.
Në ndeshjen e fundit kundër Clermont, Zhegrova arriti që të shënoi gol dhe të asistoi, duke u përfshirë edhe në formacionin më të mirë të javës.
Deri më tani 24-vjeçari, këtë edicion ka arritur që të shënojë tetë gola dhe të bëjë tetë asistime në të gjitha garat për Lille.
Ka raportime të ndryshme që nga tash për kalimin e tij tek ndonjë skuadër më e madhe, me Zhegrovën që pritet të jetë në fokusin e shumë klubeve.
Eksperti i transferimeve ndërkombëtare, Rudy Galetti në një prononcim ekskluziv për ‘GazetaBlic Sport’, tha fjalë të mëdha për sulmuesin kosovar, duke deklaruar se Zhegrova është një futbollist shumë i mirë që meriton një skuadër të madhe.
“Ndoshta është herët të flasim tani për merkaton e verës, por që sigurisht është një profil që duhet ndjekur me vëmendje për të ardhmen e tij të mundshme në Serie A. Edon Zhegrova më pëlqen shumë për cilësitë që ka, një futbollist shumë i mirë që meriton një klub të madh“, tha Galetti.
Kujtojmë që Galetti është një emër jashtëzakonisht i respektuar në arenën ndërkombëtare, sidomos për informacionet e tij në lidhje me merkaton.
Edon Zhegrova is a true baller ??? pic.twitter.com/wzoHNUB3CZ
— Ligue 1 English (@Ligue1_ENG) February 4, 2024
/GazetaBlic Sport/
