Trajneri i mirënjohur kosovar, Ismet Munishi e ka komentuar zëvendësimin e shtatë të Llapit në ndeshjen ndaj Trepçës’89.

Ai tha se kjo ndeshje është e humbur nga Llapi, edhe nëse e kishte fituar këtë ndeshje.

“Ka ndodh edhe në Bundesligë një rast i tillë. Po nuk është vetëm trajneri, stafi duhet me mbajtë evidencë. Trajnerat është normale që janë të fokusuar në lojë. Munden me harru se sa lojtarë i kanë fut në lojë. Është gabim njerëzor. Ky tentimi ishte paksa qesharak. Në momentin që është fut lojtari, zëvendësimi i shtatë, në atë moment humbet ndeshja”, tha Munishi në emisionin Favorit në T7.