SC Freiburg ka transferuar mesfushorin kosovar, Florent Muslija nga SC Paderborn.

“Florenti është një lojtar ofensiv i gjithanshëm që mund të luajë si në pozicione të gjera ashtu edhe në qendër. Ai ka luajtur në një nivel vazhdimisht të mirë në kategorinë e dytë për një kohë të gjatë dhe tashmë është gati për hapin tjetër”, thotë drejtori sportiv i Freiburg, Jochen Saier.

Florent Muslija poashtu është shprehur tejet i lumtur për transferimin tek Freiburg.

“Kam mundur të përjetoj atmosferën e mrekullueshme në stadiumin Europa-Park në ndeshjen e kupës në vjeshtë. Tani mezi pres të njoh shokët e mi të rinj, të zhvillohem më tej këtu dhe të jap gjithçka për klubin”, tha mesfushori kosovar për faqen zyrtare të klubit.

/GazetaBlic Sport