Kryetari i Prishtinës, Përparim Rama ka reaguar pas rënies së kulmit të objektit të komunës, raporton Gazeta Blic.
Ai ka ftuar organet e rendit që ta hetojnë këtë rast.
“Si Kryetar i Kryeqytetit kërkoj nga organet kompetente që të hetojnë rastin në tërësi dhe të marrin të gjitha masat dhe veprimet në pajtim me legjislacionin në fuqi”, ka shkruar ai.
Postomi i plotë:
Të dashur qytetarë,
Sot, në objektin e Kryeqytetit në lagjen “Arbëria” për shkak të erërave të forta ka kolapsuar një pjesë e kulmit, ku për pasojë një person është lënduar dhe tani është nën kujdes mjekësor.
Menjëherë kam kontaktuar me familjarët e të lënduarës për t’iu qëndruar pranë në këto momente. Lutemi për shërimin e saj të shpejtë dhe të plotë.
Si Kryetar i Kryeqytetit kërkoj nga organet kompetente që të hetojnë rastin në tërësi dhe të marrin të gjitha masat dhe veprimet në pajtim me legjislacionin në fuqi.
Prokuroria nis hetimet për rënien e çatisë së objektit të Komunës së Prishtinës