Sulmuesi italian i Lazios, Immobile në konferencën për shtyp para gjysmëfinales së Superkupës së Italisë kundër Interit ka pranuar se ka pasur oferta nga Arabia Saudite.

“Është një kampionat që po rritet, edhe infrastruktura është përmirësuar shumë. Të gjithë po i hedhin sytë nga Arabia. Në të kaluarën kam pasur bisedime për t’u transferuar në këtë kampionat, por më pas asgjë”, tha ai transmeton GazetaBlic Sport.

“Jam munduar të jem sa më i ndershëm me veten dhe të tjerët. Vendosa të qëndroja te Lazio për të çuar përpara një projekt të rritjes së skuadrës dhe të klubit.”

Immobile foli edhe për ndeshjen ndaj Interit ku tha se janë të vetëdijshëm për peshën e kësaj ndeshje.

“E ndiejmë peshën e ndeshjes. Kemi pak kohë për t’u përgatitur takimet. Jemi krenarë për rrugëtimin tonë dhe që kemi arritur deri këtu.  Më mungon pak ritmi i garës, ishte shumë e rëndësishme që luajta 15 minuta kundër Lecces. Jam stërvitur për të qenë në maksimum për këtë ndeshje”, përfundoi italiani.

/GazetaBlic Sport/