Një rikthim i bujshëm mund të kryhet në ditët në vijim. Ricardo Quaresma, anësori portugez është pranë rikthimit te një klub që e njeh shumë mirë: Besiktas. 40-vjeçari ka luajtur për herë të fundit më 15 maj 2022, për Vitoria Guimaraes.

Që atëherë ai ka mbetur për të vëzhguar, duke shpresuar se do të vinte mundësia e duhur për një rikthim me stil. Sipas O Jogo, negociatat mes palëve janë në një fazë të mirë dhe gjithçka tregon se Quaresma së shpejti mund t’i bashkohet skuadrës së Fernando Santos.

Të dy ishin kampionë të Evropës në vitin 2016 me Portugalinë. Quaresma e ka përfaqësuar tashmë Besiktasin në dy faza të karrierës së tij: midis 2010/11 dhe 2011/12 dhe më pas midis 2015/16 dhe 2019, vit në të cilin ai u transferua në Kasimpasa.

Me ekipin e Stambollit fitoi dy kampionate dhe një kupë kombëtare.

/GazetaBlic Sport