Sulmuesi i PSG-së, Kylian Mbappe, ka komentuar të ardhmen e tij pasi PSG mundi 2-0 Toulouse për të fituar Superkupën e Francës 2023.

“E ardhmja ime? Nuk kam marrë ende një vendim. Në vitin 2022 nuk e dija vendimin tim përfundimtar deri në maj. Këtë herë, nëse do ta dija se çfarë doja të bëja, nuk do ta lija vendimin të zvarritej. Nuk ka kuptim”, tha Mbappe, cituar nga AS.

Më 1 janar, u bë e qartë se Real Madrid i bëri një ofertë zyrtare futbollistit francez dhe caktoi një afat për të marrë një vendim – mesi i janarit.

Kontrata e Mbappes me PSG-në është deri në verën e këtij viti. Këtë sezon, sulmuesi luajti 23 ndeshje, duke shënuar 22 gola dhe duke bërë 2 asistime.

/GazetaBlic Sport