Milani ka njoftuar se testet nuk treguan dëmtime serioze në kofshën e majtë të Christian Pulisic, megjithëse ai ka të ngjarë të humbasë ndeshjen e kësaj fundjave në Serie A me Lecce.

Sulmuesi amerikan çaloi gjatë fitores 2-1 të mbrëmshme në Ligën e Kampionëve ndaj Paris Saint-Germain në San Siro, përcjell GazetaBlic Sport.

Ai tashmë kishte pasur probleme me muskujt javën e kaluar dhe nuk ishte as në stol për humbjen 1-0 ndaj Udineses.

Sot u kryen analizat dhe u konfirmua se nuk ka dëmtime në fleksorin e kofshës së majtë, pra është vetëm një tkurrje muskulare.

Megjithatë, Pulisic nuk ka gjasa të rrezikohet për këtë fundjavë në Serie A kundër Lecce.

/GazetaBlic Sport/