Atletico Madrid ka fituar mbrëmjen e sotme me goleadë ndaj Celtic, pasi spanjollët triumfuan me rezultatin e thellë 6-0.

Pjesën e parë spanjollët e mbyllën me shifrat 2-0, ku Griezmann dhe Morata ishin autorët e golave. Në të dytën, Atletico Madrid shënoi me anë të Griezmann përsëri, Lino, Morata dhe Niguez. Me këtë fitore, skuadra e Simeones renditen në vendin e parë të grupit me 8 pikë, ndërsa Celtic në të fundit me 1 pikë.

Manchester City triumfoi me dy gola të Haaland dhe një të Foden ndaj Young Boys. Anglezët kanë arritur të kalojnë grupet, duke siguruar kualifikimin. City ndodhet në vendin e parë me 12 pikë, ndërsa Young Boys në të fundit me 1 pikë.

Lazio gjithashtu ka arritur të fitojë në Olimpico ndaj Feyenoord me rezultatin 1-0, Porto mposht 2-0 Antwerp, ndërsa Leipzig fiton në transfertë ndaj Crvena Zvezda me rezultatin 1-2.