Matheus Fernandes erdhi në Barcelonë nga Palmeiras në janar 2020 për një kompensim prej 7 milionë eurosh.

Mesfushori u dërgua menjëherë në huazim te Valladolid, nga ku u kthye në verën e po atij viti. Deri në verën e vitit 2021, kur u largua nga Barcelona, ai luajti vetëm 17 minuta për klubin katalanas kundër Dynamo Kyiv në Champions League, përcjell GazetaBlic Sport.

Edhe pse ai kishte një kontratë deri në vitin 2025, Barcelona e ndërpreu atë në mënyrë të njëanshme dhe e ktheu Matheus në Palmeiras pa kompensim si pjesë e një ushtrimi të madh për uljen e kostove, kryesisht buxhetin e pagave tepër të larta për futbollistët. Më pas Matheus paditi Barcelonën për shkarkim të paligjshëm dhe tani, një vit e gjysmë më vonë, mediat katalanase raportojnë se gjykata ka vendosur në favor të tij.

Duhet pranuar që lojtari aktual i Bragantino nuk do të marrë 14.8 milionë euro, të cilat ai i kërkoi, duke pretenduar se Barcelona e dëmtoi për shumën e specifikuar në emër të pagave të papaguara, por u vendos që Barcelona t’i paguajë 8.5 milionë euro. Është një goditje e re për situatën tashmë të vështirë financiare të drejtuesve të La Ligës.

/GazetaBlic Sport