Gazetari Vehbi Kajtazi në Debat Plus në RTV Dukagjini ka thënë se do të duhej të suspendoheshin policët të cilët morën pjesë në takim me Vuçiqin, ku ndër ta ishte i pranishëm edhe shefi i operativës.

Madje ai ka thënë se ministri i Punëve të Brendshme, Xhelal Sveçla nuk ka guxim t’i largojë nga puna.

“Krimin atje e kanë bërë në bashkëpunim me shqiptarët dhe në bashkëpunim me biznesmen të Kosovës. Nëse tash nuk shkarkohen këta njerëz atëherë kurr ski me pas më kontroll të policisë në veri, e ti e ki shefin e operativës të ulur aty në tryezë të Serbisë dhe kujt nuk i ndihet zëri, as Xhelal Sveçlës, as shefit të tij”.

Këshilli Gjyqësor i Kosovës (KGJK), në takimin e mbajtur të enjten, ka marrë vendim që ta suspendojë Liljana Stevanoviq, kryetare e Gjykatës Themelore në Mitrovicë, deri në një vendim të radhës.

Suspendimi i Stevanoviqit vjen pas pjesëmarrjes së saj në takim me Aleksandër Vuçiqin, president i Serbisë.