Nga diegia e autobusit urban “24 Yjet” që ndodhi ditën e sotme në Prishtinë, mësohet se nuk ka asnjë të lënduar.
Lajmin për GazetaBlic e ka konfirmuar zëdhënsja e Policisë së Kosovës, në rajonin e Prishtinës, Flora Ahmeti.
Ahmeti bëri të ditur se rreth orës 17:30 ka pranuar informatën për një incident zjarri në Veternik dhe se nuk ka asnjë të lënduar por janë shkaktuar vetëm dëme materiale.
“Sot rreth orës 17:30, kemi pranuar informatën për një incident zjarri në Veternik, ku është djegur një autobus. Zjarri është lokalizuar. Nuk raportohet për persona të lënduar, janë shkaktuar vetëm dëme materiale”, tha Ahmeti.
