Presidenti i Serbisë, Aleksandar Vuçiq, në një intervistë për televizionin Happy ka folur për Ballkanin e Hapur por edhe për faktin se është gati të bisedojë me kryeministrin e Kosovës, Albin Kurtin.

Vuçiq tha se nuk e sheh të arsyeshme të bisedoj me Kurtin, por është i gatshëm ta bëjë.

“Edhe pse nuk e shoh shumë të arsyeshme të bisedoj me të [Kurtin], megjithatë gjithmonë jam i gatshëm për këtë gjë”, tha Vuçiq.

Ndërsa për vizitën e fundit të Escobarit dhe Lajçakut, ai tha se nuk mund të fliste për detaje, por që sipas tij, ishin bisedime të vështira.

Për shkuarjen e ambasadorit të ri amerikan në Beograd, Christopher Hill, Vuçiq tha se edhe pse “përvojat tona nuk janë të lehta, ne i mirëpresim ato”.

Ndërsa për inciativën e Ballkanit të Hapur theksoi se është një “projekt i mençur”.