Pas arrestimit të kryetarit të PSD-së, Dardan Molliqaj, ka reaguar kryetari i LDK-së, Lumir Abdixhiku, raporton Gazeta Blic.

Abdixhiku, arrestimin e dhunshëm të Molliqajt, e quan si hakmarrje politike dhe e cilëson si të papranueshëm.

Ai tutje thotë se Kurti dhe Qeveria e tij nuk guxojnë të përdorin pushtetin policor për kërcënime e arrestime politike.

Reagimi i plotë:

Arrestimi i dhunshëm i Kryetarit të PSD-së Dardan Molliqaj, ka shije të një hakmarrjeje të pastër politike, prandaj ky akt, për mua dhe LDK-në është i papranushëm dhe kundër standardeve bazike të demokracisë.

Kurti dhe Qeveria e tij nuk guxojnë të përdorin pushtetin policor për kërcënime e arrestime politike; sidomos kur për alternativë kanë ndjekjen normale e njerëzore të rrugëve procedurale sipas rregullave tashmë të njohura.

I bëj ftesë organeve të rendit të ruajnë integritetin e tyre profesional e të pavarur dhe të mos bëhen pjesë e këtij teatri politik të një Qeverie paranoike.