Ka vdekur në moshën 77 vjeçare, gjenerali serb i Ushtrisë Jugosllave, Svetozar Marjanoviq, që njihet si një ndër nënshkruesit e Marrëveshjes së Kumanovës.

Mediat serbe raportojnë se ai vdiq të shtunën, pas probleme shëndetësore që pati me zemrën, përcjell Klankosova.tv.

Gjenerali Svetozar Marjanoviq nënshkroi marrëveshjen në qytetin e Kumanovës së Maqedonisë së Veriut, pak përtej kufirit me Serbinë, më 9 qershor 1999.

Sipas marrëveshjes, UJ-ja dhe policia serbe u tërhoqën nga Kosova, duke lejuar dislokimin e trupave të NATO-s. Ushtria Çlirimtare e Kosovës UÇK gjithashtu hyri hapur në zonat urbane të cilat ishin bastione të UJ-së dhe policisë serbe.