Carlo Ancelotti doli para mediave sot në stadiumin Rey Fahd, ku do të luhet gjysmëfinalja e Superkupës së Spanjës mes Barcelonës dhe Real Madridit.

Trajneri i Real Madrid pranoi se kishte dy dyshime për njëmbëdhjetëshen që do të prezantojë në Classico, përcjell GazetaBlic Sport.

Nerva apo frikë para ndeshjes? “Unë do të shqetësohesha që lojtarët të mendojnë se ne jemi favoritë, por ata nuk e bëjnë këtë. Ata mendojnë se ne duhet të bëjmë gjithçka për të fituar”, tha fillimisht Ancelotti.

Dallimi në La Liga? “Këto ndeshje janë gjithmonë të barabarta, pa marrë parasysh sa distancë ka në renditje.”

Ju pëlqen Barça? “Më pëlqen sepse është një ekip që ka një identitet, në të njëjtat linja si Barça si gjithmonë. Mendoj se është një ekip që do të përmirësohet me kontributin e Xavit.”

Cili lojtar i Barçës ju pëlqen më shumë? “Ka lojtarë veteranë si Busquets, Pique apo Alba, të cilët gjithmonë i japin shumë skuadrës. Por të rinjtë shquhen shumë tani, si Gavi apo Nico, të cilët mund të kenë një të ardhme të shkëlqyer.”

/GazetaBlic Sport