Ish-sulmuesi i Interit, Milanit, Romës dhe Sampdorias, Antonio Cassano është shtruar në spital pas komplikimeve nga COVID-19.
39-vjeçari doli në pension në vitin 2018 pas 400 paraqitjeve në Serie A, në të cilat shënoi 112 gola.
Gruaja e tij Carolina Marcialis kishte konfirmuar përmes mediave sociale se Cassano rezultoi pozitiv me COVID-19 gjatë festave të Krishtlindjeve dhe ishte i izoluar në shtëpi.
Sipas Il Messaggero, gjendja e tij u përkeqësua gjatë dy ditëve të fundit dhe Cassano tani është një pacient i shtruar në spitalin San Martino në Genoa.
Marcialis shkroi në Instagram: “Antonio është në spital dhe është mirë”.
/GazetaBlic Sport
