Pedri kishte një sezon intensiv me Barcelonën dhe Kombëtaren e Spanjës.

18-vjeçari ka luajtur 75 ndeshje zyrtare për Barcelonën dhe Spanjën në sezonin 2020/21, duke përfshirë La Liga, Copa del Rey, Superkupën e Spanjës, Ligën e Kampionëve, Euro 2020 dhe Lojërat Olimpike, shkruan GazetaBlic Sport.

Ai është gati të fillojë tashmë, pas një pushimi të shkurtër në shtëpi në Ishujt Kanarie me familjen e tij.

“Unë me të vërtetë dua të filloj,” tha Pedri për Mundo Deportivo.

“Është e vërtetë që pushimi është i rëndësishëm, por e vërteta është se kur pushoni tre ose katër ditë ju tashmë dëshironi të ktheheni në fushë dhe të shijoni atë që ju pëlqen të bëni më shumë“, vazhdoi ai.

Pedri gjatë pushimeve ka gjetur kohë të ndihmojë edhe një organizatë bamirëse.

Pedri ndihmoi Shoqatën e Organizatave të Prodhuesve të Bananeve të Ishujve Kanarie, të cilët po shpërndajnë 80,000 kg banane për 54 banka ushqimore në të gjithë Spanjën. Ishte pjesë e një iniciative që ata filluan në fillim të Euro 2020.

/GazetaBlic Sport/