Gjykata Evropiane e Drejtësisë nuk do të marrë ndonjë vendim ndaj UEFA-s, pas tentativës që ky proces të niset nga një gjykatë e Madridit.

Një gjykatë e Madridit i kishte kërkuar Gjykatës Evropiane të Drejtësisë të merrte parasysh nëse UEFA kishte shkelur apo jo ligjin e BE-së duke bërë së pari të pamundurën për të parandaluar krijimin e ligës së shkëputur dhe më pas duke marrë masa disiplinore kundër Real Madridit, Barcelonës dhe Juventusit, përcjell GazetaBlic Sport.

Pavarësisht nga 12 klube që janë regjistruar fillimisht për projektin, vetëm tre të lartpërmendur mbeten të përkushtuar ndaj propozimit, me klube të tjera që u  tërhiqen me shpejtësi nga kjo nismë.

Ata që qëndronin pas Superligës u ankuan se UEFA dhe FIFA kanë një monopol mbi organizimin e futbollit dhe po kërkonin një zgjidhje të shpejtë. Megjithatë, kjo gjykatë nuk e vlerësoi si të tillë.

Afati i fundit për dorëzimin e kërkesave dhe ankesave tjera përkatëse është 18 tetor.

/GazetaBlic Sport/