Pablo Sarabia nuk ka shumë gjasa të luajë ndaj Italisë në gjysmëfinalen e UEFA EURO 2020, ndërsa Aymeric Laporte është gjithashtu në dyshim.

Ndeshja mes Italisë dhe Spanjës do të luhet të martën nga ora 21:00 në Wembley, shkruan GazetaBlic Sport.

Sarabia u dëmtua në ndeshjen ndaj Zvicrës në çerekfinale, me ç’rast u detyrua të largohet nga ndeshja.

Anësori 29-vjeçar i PSG shënoi dy gola në EURO 2020, kundër Sllovakisë dhe Kroacisë, si dhe dhuroi dy asistime.

Skuadra e Spanjës u kthye në stërvitje në Ciudad de Futbol dhe i vetmi lojtar tjetër që mungoi ishte Laporte, i cili punonte në palestër, si pasojë e lodhjes.

/GazetaBlic Sport