Kryeministri Albin Kurti ka kërkuar nga UNESCO tërheqjen e katër vendeve të trashëgimisë në Kosovë nga Lista e Trashëgimisë Botërore në Rrezik.
Ai në një postim në Twitter ka bërë të ditur se së bashku me presidenten Vjosa Osmani dhe kryetarin e Kuvendit Glauk Konjufca më 21 maj kanë kërkuar nga UNESCO që të tërheqë vendimin e saj, duke thënë se arsyet për vendosjen e tyre në listën e rrezikut nuk vlejnë më.
“Ne jemi të përkushtuar për të mbrojtur trashëgiminë kulturore në vendin tonë”, ka shkruar Kurti sot në Twitter.
Liderët e Kosovës kanë kërkuar nga UNESCO që katër monumentet e Kosovës që janë të listuar në Listën e Trashëgimisë Botërore – Manastiri i Deçanit, Patrikana e Pejës, Manastiri i Graçanicës dhe Kisha e Shën Premtes në Prizren – të largohen nga kategoria “në rrezik” pasi rrethanat e sigurisë në Kosovë kanë ndryshuar tërësisht nga viti i largët 2006 kur këto monumente janë vlerësuar si të rrezikuara.
With @VjosaOsmaniPRKS & @KonjufcaGlauk requested @UNESCO to withdraw the four heritage sites in Kosova from the List of World Heritage in Danger. The reasons for placing them on the danger list no longer apply. We are committed to protecting cultural heritage in our country. pic.twitter.com/06BhiYLFe1
— Albin Kurti (@albinkurti) May 23, 2021
LEXO EDHE:
Kastrati: Skenat e sotme në Shipashnicë tregojnë që kemi shumë punë për të bërë
