Thorgan Hazard nuk është përfshirë në skuadrën e Belgjikës për ndeshjen me Finlandën në Shën Petersburg.
Më parë gjatë javës, trajneri i Belgjikës, Roberto Martinez tha se Hazard ka një dëmtim të vogël dhe është konfirmuar se 28-vjeçari nuk do të udhëtojë me skuadrën për ndeshjen e tyre të fundit të Grupit B të Hënën.
Hazard startoi në të dy ndeshjet hapëse të Belgjikës, një fitore 3-0 kundër Rusisë dhe një fitore 2-1 ndaj Danimarkës.
Ai gjithashtu shënoi me një gol të rëndësishëm në fitoren e vështirë kundër danezëve.
Anësori i Borussia Dortmund besohet se ka pësuar një goditje në gju gjatë ndeshjes në Danimarkë. Ai gjithashtu nuk u stërvit me pjesën tjetër të skuadrës të Shtunën.
/GazetaBlic Sport