Komiteti Disiplinor i RFEF ka vendosur një ndalim me dy ndeshje ndaj anësorit brazilian të Real Madridit, Vinicius Junior pas përjashtimit të tij në Mestalla për goditjen me shuplakë ndaj portierit të Valencias, Stole Dimitrievski dhe ai do të mund të luajë në Superkupën e Spanjës.

Futbollisti do të vuajë dënimin në Ligë dhe do të mungojë në duelet kundër Las Palmas (19 janar) dhe Valladolid (25 janar).

Lojtari brazilian i Real Madridit do të jetë në dispozicion të Carlo Ancelottit për Superkupën e Spanjës në Arabinë Saudite.

Skuadra madrilene do të luajë gjysmëfinalen kundër Mallorcas të enjten dhe nëse do të arrijë në finale do të përballet me fituesin e duelit mes Barcelonës dhe Athletic Bilbaos.

/GazetaBlic Sport