Sporti

Zyrtare: Vincenzo Montella është emëruar si përzgjedhës i Turqisë

09/21/2023 18:44
nga:E K

Vincenzo Montella është emëruar si përzgjedhës i Turqisë, duke zëvendësuar Stefan Kuntzin, i cili u shkarkua pas një serie zhgënjyese rezultatesh.

Ish-sulmuesi i njohur italian do të prezantohet zyrtarisht para mediave të mërkurën, ku pritet të nënshkruajë një kontratë trevjeçare.

Montella, i cili luajti me klube si Empoli, Genoa, Sampdoria, Roma dhe për pak kohë te Fulham, la postin e tij si trajner i skuadrës turke Adana Demirspor në qershor duke fituar 38 nga 76 ndeshjet e tij në krye.

Ish-reprezentuesi italian tani ka mbi një dekadë përvojë në menaxhim, pasi ka filluar karrierën e tij si trajner me Catanian në vitin 2011.

Që atëherë, ai ka drejtuar edhe klube si Fiorentina, Sampdoria, Milan, Sevilla, Fiorentina dhe së fundmi në Turqi me Adanan.

Lajme tjera