Kombëtarja e Uruguait ka ndërprerë bashkëpunimin me përzgjedhësin, Tabarez.
Uruguai dhe Tabarez i kanë dhënë sot fund bashkëpunimit 15 vjeçar, pasi ky i fundit u shkarkua nga detyra, përcjell GazetaBlic Sport.
Federata uruguaiane ka njoftuar se trajneri 74-vjeçar largohet pas 15 vitesh në krye të kombëtares.
It’s over. Legendary Uruguayan manger Oscar Tabárez is no longer the head coach of the national team, official statement confirms. ?? #Tabarez pic.twitter.com/IyE1qvwsqr
— Fabrizio Romano (@FabrizioRomano) November 19, 2021
“Komiteti Ekzekutiv i AUF-së informon se ka ndërprerë kontratën e Oscar ëashington Tabarez dhe anëtarëve të tjerë të ekipit kombëtar”, shkruan federata në një deklaratë.
“Ne shprehim prerazi se ky vendim nuk nënkupton mosnjohjen e kontributit të rëndësishëm të Tabarez në futbollin uruguaian.
“Ne përshëndesim dhe vlerësojmë rezultatet e rëndësishme të arritura në këto 15 vite, të cilat e kanë vendosur edhe një herë Uruguain në krye të futbollit botëror.
“Shprehim respektin dhe mirënjohjen tonë për profesionalizmin dhe përkushtimin gjatë këtij procesi të gjatë pune dhe lidhjen e pamatshme që lë kjo fazë e frytshme në historinë e kombëtares.
“Komiteti Ekzekutiv i FSHF-së mori këtë vendim të vështirë në rrethanat aktuale, me kompromisin e së ardhmes së afërt dhe rezultatet që ne të gjithë presim”, është thënë ndër të tjerash në këtë deklaratë.
Tabarez ishte poashtu trajner i skuadrave italiane, Milan dhe Cagliari para se të merrte drejtimin e Kombëtares së Uruguait.
/GazetaBlic Sport/
