Tirana ka zyrtarizuar emërimin e trajnerit Erbim Fagu. Tekniku 36-vjeçar ka firmosur mëngjesin e së martës.
Ish-mbrojtësi rikthehet si pjesë e bardhebluve pas eksperiencës që pati në Holandë. Fagu ishte zëvendëstrajner i Tiranës në sezonin 2021-2022 kur bardheblutë arritën të fitonin titullin kampion.
Njoftimi i Tiranës:
_MIRËSEVJEN ERBIM FAGU!
Klubi i Futbollit Tirana njofton zyrtarizimin e trajnerit Erbim Fagu.
Klubi i Futbollit Tirana njofton rikthimin e teknikut Erbim Fagu në statusin e trajnerit të ekipit të parë.
Pas një eksperience si lojtar i spikatur dhe trajner i moshave si brenda edhe jashtë vendit, Fagu rikthehet në shtëpinë bardheblu tashmë si pjesë kryesore e pankinës së Tiranës.
Fagu është tekniku i cili ka dhën kontribut të madh gjatë gjithë rrugëtimit në sezonin 2021-2022 pranë bardhebluve, duke e ndihmuar ekipin e parë në rrugën drejt tiullit kampion.
Klubi i Tiranës i uron mirëseardhje trajnerit Erbim Fagu! Në zemër gjithmonë bardh e blu_”, thuhet në postimin e klubit bardheblu.
Lojtës Videosh
00:00
00:12
Kjo është aventura e parë si trajner për Erbim Fagun në Superiore dhe do të debutojë sot pasdite në ndeshjen e parë çerekfinale të Kupës së Shqipërisë ndaj Teutës në “Niko Dovana”.
