Lajme

Zyrtare: Selim Pacolli nuk certifikohet për zgjedhjet lokale të 17 Tetorit

08/27/2021 16:06

nga:M K

Selim Pacolli

Selim Pacolli nuk do të jetë kandidat për kryeqytetin.

Kjo pasi KQZ-ja nuk e ka certifikuar për shkak të mosdeklarimit të pasurisë në afatin kohor të paraparë, e që sipas Pacollit ka ndodhur për shkak të arsyeve shëndetësore, përcjell GazetaBlic.

Këtë e konfirmoi vet Pacolli përmes një postimi në rrjetin social “Facebook”.

Më poshtë edhe postimi i plotë.

Të nderuar qytetarë dhe qytetare të Prishtinës,
Sapo morra lajmin se KQZ nuk do ta certifikoj kandidaturën time për kryetar të Prishtinës.
Kjo si pasojë e një aktvendimi të vitit 2019, unë kam bërë deklarimin e pasurisë 48 orë pas përfundimit të afatit ligjor për deklarim, (përfshirë ditët e vikendit).
Me saktë, afati ishte të Premten, ndërsa deklarimi të Hënën, në orën 8 të mëngjesit në prezencën time fizike. Kjo vonesë ka ndodhë si pasojë e udhëtimit tim për çështje shëndetësore jashtë vendit.
Edhe pse në esencë ky është një vendim arbitrar dhe i palogjikshëm, vendimet e gjyqësorit janë të shenjta dhe të padiskutueshme.
U betohem që edhe pse nuk do të jem zyrtarisht kandidat për kryetar të Prishtinës, dëshira dhe angazhimi im për qytetarët e Prishtinës është edhe më i madh. Unë do të ju qëndroj besnik dhe do ti mbështes ne cdo hap të gjithë kandidatët e listës sonë për kuvendin komunal, e në veçanti kandidatin e subjektit tim AKR për kryetar të Prishtinës.
Ju siguroj se zotimi im për qytetarët është po aq i vlefshëm dhe nuk do të abstenojë por do të vazhdoj angazhimin tim sikurse para marrjes së këtij lajmi.
Do të vazhdojë implementimin e të gjitha projekteve të planifikuara për këtë mandat, dhe projektet e parapara për mandatin vijues, e që janë jetike për qytetin tonë.
Sinqerisht i juaji,
Selim Pacolli