Pisa SC njoftoi këtë të mërkurë se ka arritur një marrëveshje për të punësuar një trajner të ri për sezonin e ardhshëm.

Drejtimi i skuadrës do të jetë në duart e Pippo Inzaghit, i cili në këtë mënyrë rikthehet në detyrë pasi u shkarkua nga Salernitana në shkurt të këtij viti, transmeton GazetaBlic Sport.

Ish- sulmuesi i Milanit dhe vëllai i trajnerit të Interit, Simone Inzaghi, është në përvojën e tij të 8-të si trajner i një skuadre, pasi ende nuk është larguar nga Italia që kur filloi karrierën e tij si trajner në vitet 2014/15. Pippo Inzaghi ka kaluar kohë në Milano , Veneza, Bologna, Benevento, Brescia, Reggina dhe Salernitana .

Më i madhi i vëllezërve Inzaghi vjen për të zëvendësuar Alberto Aquilanin, i cili u largua nga Pisa muajin e kaluar pasi ra dakord të ndërpresë kontratën e tij. Ish-kampioni i Europës dhe Botës do të drejtojë skuadrën që sezonin e kaluar ishte në vendin e 13-të në Serie B.

/GazetaBlic Sport/